សាលារៀនសហគមន៍២១ សាខាទី៨ ពញាឮ សហការជាមួយ វិទ្យាល័យទេពប្រណម្យ ស.ស.យ.ក រាជធានីភ្នំពេញ និង ទីភ្នាក់ងារជាតិមុខរបរ និងការងារ កាលពីថ្ងៃសៅរ៍ ទី១៣ ខែមករា ឆ្នាំ២០២៤ បានរៀបចំសិក្ខាសាលាអប់រំ ស្ដីពី “យុវជន និងការអភិវឌ្ឍសមត្ថភាពក្នុងបរិបទសតវត្សរ៍ទី២១” ក្នុងគោលបំណងចែករំលែកចំណេះដឹងដល់សិស្សវិទ្យាល័យដើម្បីមានឱកាសទទួលបាននូវបទពិសោធន៍ និងចំណេះដឹងថ្មីៗបន្ថែមទៀតដើម្បីជាទុនក្នុងការត្រៀមខ្លួនសិក្សា ក៏ដូចជាចូលបម្រើការងារក្នុងបរិបទសតវត្សរ៍ទី២១នេះ។ សិក្ខាសាលានេះបានបិទបញ្ចប់ដោយលទ្ធផលប្រកបដោយផ្លែផ្កាគួរទីគាប់ចិត្ដ។